Texto en bable

Un payo falando solo

Toy equí porque sí, me caso 'n baxo
que no se me rompeu dengún bubaxo,
y puedo tar equí si me da gana
la mitá o algo más de la semana.

Traigo un bolsu cebera
pa chupar la xalapa que yo quiera
y a naide nin delgún emporta un pitu
que apañe una merluza o un bonitu.

Pagando lo que tome, qué resoño
non hay pelos pa mí, me caso 'n bioño,
pos quién paga, descansa,
según diz el refrán,
y non amansa, quien trai a barlovento
cinco duros o diez o más de ciento.

Ta 'l caldo quescentella
así me salve Dios, ¡otra botella!
y con esta van siete
pa ayudar al abobo y al zoquete
un pan de la Composa
que fai una merienda muy coriosa.

A min que non me digan que tomando
de sidra un culín de cuando en cuando
se pierde el sintíu de la cabeza.
Lo que la sidra da ye fortaleza,
firmeza nos cadriles, puxanza nos caniles,
nel gañote frescura y n'a boca l'estómagu fartura.

¡ Valiente mentecatu el que non procura apañar
siquiera una fartura de sidra de la pipa
que ifaga revuelvinos e na tripa!

El que non toma sidra, non acierte
pues a lo que estamos tuerta
va a pasar esta vida sin desmayos;
tien que la pasar echando rayos
el que nunca gozó de la dicha
de fartase de sidra por la espicha.

El llunes n' a quintana: el día principal de la semana.
El domingo ye fiesta, pero pa 'char la siesta
tien un que madrugar pa dir a misa,
pa mudar la camisa, pa xugar al latiente
y pa char una copuca d'aguardiente.

El martes, de trabayar te fartes,
nin una copa de xarapa prebes,
nin el miércoles tampocu, nin el jueves.
Los viernes y los sábados n' aldea ...
con agua de la fonte. ¡Y Dios la dea!
Si non obiese llunes, tábamos divertíos n' ayunes.

Cuando allega esi día, la meyor romería,
la que yo más estimo y más destingo,
ye poner la ropina del domingo,
los zapatinos nuevos.
comer un par de güevos n' tortilla
y venir a carreres pa la villa.

¿Y quién me tuse a mí si como agora<
tengo un vasu de más que me n'mora?
Dengunu, xuro a tal, que 'l que presuma
o que 'l cerebru-i afuma,
o quei sobren acasu les corades.
¡ Qué venga por un par de cebollades!

Esi que m'arrespuende y que tantu s'ofende
que se avere p' acá, que non recule,
nin que de mingo marmule;
pos xuntándonos dos de cada orisca,
¡ A ver si hay otros dos pa' CHAR LA BRISCA!