Texto en bable

Nochi-güena

I
¿Onde va fuxendo,
Onde va la neña
D' un sitiu pa utru triando la ñeve
Per le escura aldea ?
¡Pid' una llimosna!
¡Pide pa so güela!
P' aquella vieyina que ' stá ya fai tiempu
na camina ' nferma.

¡Ente toa la xente
que blinca contenta!.....
¿Non vá ver un alma qu' á la rapacina
un garitu i dea?
¡Ruxa la zambomba
Que ye nochi- güena!
Qu' allume la lluna y los mozos canten
Y ..... ¡nieva que nieva!

II
Todo ye contentu
Na lexan' aldea,
Todu' l mundu canta, hoy naide se duerme.
Hoy naide s' acuesta.
Nin les castañueles
Nin la pandereta
Callen un momentu, todo ye folixa,
Ya naide se quexa.

¡Qué haberá nel ricu
Palacín de piedra
Onde 'stán bailando al son del piano
Cincuenta parexas...
Onde les muyeres
Arrodiás de seda
Llucen los incantos de blanca garganta
De perlines llena!
¿Y del cementeriu
Na quietud inmensa ...
Non bailen los güesos de los que allí duermen
Siendo nochi - güena?

¡Cuántos é nel mundu
Ximiendo de pena
Al oir los sones, los sones que saquen los mozos
Co la pandereta ...
Cuántos escuchando
La nocturna fiesta
Mirarán tiemblando por una reendixa
Colar la miseria.
Y ' en 'l Orbi... alegre canta la reciella,
Ruxe la zambomba con bélicu 'struendu
Y .... ¡nieva que nieva!

III
Ya l' aurora tiñe
De lluz la campera,
Ya los paxarinos espatuxen llistos
Ente l' arboleda.
Y el vientu les cañes
Plácidu ximielga,
Y ruxe 'l regueru que sospira y cuerre
Con tristina quexa... Y acullá lexones,
Na vecina ' aldea
Ruxe la zambomba, canten los rapazos
Co la pandereta.

Poquitín y á poco
Calla la reciella.
Solu á veces ruxe ¡ijujú! lexanu
Que naide contesta.
Toos están cansaos.
Solu 'l vientu dexa
So run run que fuxe tropiezand' ufanu
Contra la portiella.

Una prob' anciana
Na camina ' nferma
Con lívidu rostru e' nel que la fame
Posó triste huella,
Dexa que sos güeyos
Lagrimines viertan,
Ya non pué llimpialos, y diz selemente
- ¿Onde 'stá mió nieta?
¿ Onde ' está ' l arcanxel,
Onde ' stá la neña
Que dábame besos siempre a la aurina,
Voy morrer sin vela?
Y la probe anciana
Na camina ' nferma
Puxa por alzase y apreta los puños
Diciendo: ¡traeila!

Ya güelve corriendo
La axelada neña.
- GüELA, DIZ, ATIENDI... pero la vieyina
ay non - i contesta.

Non canten lexones
"Hoy ye nochi - güena ..."
¡Y la lluna alluma!... ¡Llora la niñina!
Y... ¡nieva que nieva!